फिरते स्टॉल खरेदीसाठी अनुदान योजना कार्यान्वित  

नांदेड (जिमाका) दि. 22 :- नांदेड येथील समाजकल्याण विभाग आणि जिल्हा परिषद मार्फत मागासवर्गीयांच्या उदरनिर्वाहसाठी सन 2021-22 साठी फिरते स्टॉल खरेदीसाठी अनुदान योजना कार्यान्वित करण्यात आली आहे.

ही योजना अनुसूचित जाती, जमाती, वि.जा.भ.ज.प्रवर्गातील सदस्यांसाठी लागू राहणार आहे.संबंधित सदस्यांनी गटविकास अधिकारी, पंचायंत समिती कार्यालयाशी संपर्क साधुन अर्जाचा नमूना प्राप्त करुन घेणे व परिपूर्ण अर्ज संबंधित गटविकास अधिकारी यांच्याकडे 15 ऑक्टोबरपर्यंत कार्यालयीन वेळेत सादर करण्याचे आवाहन जिल्हा समाज कल्याण अधिकारी आर.एच.एडके यांनी केले आहे.

00000